منتديات ملك الرومنسية

منتديات ملك الرومنسية من أروع المنتديات جديد بجديد. ‏ღ منتديات ملك الرومنسية ღ.
 
الرئيسيةمكتبة الصورس .و .جبحـثدخولالتسجيل
المواضيع الأخيرة
» جميع سيارات لعبة لايف فور سبيد Live For Speed
الإثنين مايو 14, 2012 5:04 pm من طرف spanishx5

» تحميل لعبة لايف فور سبيد
الجمعة مارس 09, 2012 10:46 am من طرف حاكم زمانه

» ارجو من كل واحد من الاعضاء يدخل الموضوع
الجمعة مارس 09, 2012 10:34 am من طرف حاكم زمانه

» ارجو من كل واحد من الاعضاء يدخل الموضوع
الثلاثاء نوفمبر 22, 2011 5:19 am من طرف حاكم زمانه

» كل مايخص لايف فور سبيد اصدار z13
الأحد نوفمبر 20, 2011 7:22 am من طرف حاكم زمانه

بحـث
 
 

نتائج البحث
 
Rechercher بحث متقدم

شاطر | 
 

 ابن فطيس المري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دلوعه بابا
الادآرة
الادآرة
avatar

عدد المساهمات : 31
نقاط : 843
السٌّمعَة : 1
تاريخ التسجيل : 05/09/2009

مُساهمةموضوع: ابن فطيس المري   الخميس سبتمبر 24, 2009 12:20 pm

الله يجـازي مـن يسـوي سـواتـك
وبذنوب من سوى سواتـك يجازيـك
مشيـت درب الثقـل وتحـب ذاتـك
ماتـدري انـه للمهـالـك يـوديـك
وغـرك جمالـك ياخسـارة حـلاتـك
ماتـدري ان ماغيـر طبعـك يحليـك
بتقـول زيـنـك يشـفـع لسيـاتـك
الحسن ماهو عن وفا الحـب يعفيـك
لـو التواضـع والوفـا مـن سماتـك
بعت الحبايـب كلهـم ديـن واشريـك
لكـن عجـزت اغـيـرك ياجـراتـك
على الغياب اللي بـلا عـذر ينجيـك
خطاي في توضيـح وشهـي غلاتـك
وخطاك في توضيـح وشهـو تغليـك
وشلون توصينـي وتنسـى وصاتـك
وتصد عـن صـوت تقطـع يناديـك
مافاتـك التجريـح والـعـذر فـاتـك
وتبغي رضاي الحيـن ماعـاد يمديـك
صحيـح احبـك بـس هـذه جزاتـك
بعلـمـك درس يفـيـدك ويحيـيـك
تدري وش ابيض من خفوقك ؟؟ عباتك
وتدري وش اللي غرني نظرتي فيـك
ادري بستغـرب تصـبـر وجـاتـك
قصيـدة مـن واحـد كـان يبغـيـك
تبغي تناظـر وانـت عايـش مماتـك
شف وحدتك والناس تجلـس حواليـك
وتبغي نشوف اشجع رجل في حياتـك
شفني وانا مقفي على كثـر مااغليـك
ــــــــــــــــــــــــــــــــــــــــــــــــــــــــــــ
ماني بقـادر علـى تغييّـر iiجيناتـك
ما دام طبعك كذا مخلوق فـي iiدمّـك

دوّر علـى كثـر روحاتـك iiوجيّاتـك
تلقى المواساه والتحنان عند ii..امّـك

لاتبكي اليوم تـو اليـوم مـا فاتـك
الوقت ممدي ودمعك يمسحـه كمّـك

وان ما قبلت النصيحه يوم هي iiجاتك؟
لاتحسب انـي حزيـن وناقـلٍ همّـك

خلّك على ما تبي تمشـي iiبمشهاتـك
تمشي على رغبتك وابليـس مزتمّـك

متعـدّيٍ مستـوى ذوقـي iiملـذاتـك
اقفيت ضامي بدون الشرب من iiجمّـك

لوكنت ليلي وانا سهران مـا iiاباتـك
ولو كنت شوقي وانا مشتاق ما اضمّك

ولو ذبت لي شمع ما نّور iiمسافاتـك
ولو كنت ورده من الريحان ما iiاشمّك

لملم على باقـي الذكـرى iiجراحاتـك
وتذكّر اني ولو ما امدحك !!ما iiاذمّـك

ما دام هوج العواصف تبتلـي iiذاتـك
اخاف تقفـي مـع التيّـار iiويخمّـك

من يوم عادك طفـل هـذي معاناتـك
الله يستـر عليـك الحـال iiويتـمّـك

وان طعت ياهوه شوف افضل iiهوياتك
اخير من تبعـة المسمـوم iiوايسمّـك

الموج لاكبـر مـا تنفـع iiمهاراتـك
لوكنت سبّاح في عرض البحر iiطمّـك

لاشك ما ضنتي ..ما تسمع iiاوشاتـك
الصدق لوعم خلـق الله مـا iiعمّـك

وانكـان ودّك تذكّـرهـا iiبدايـاتـك
من يمي الوصل والتقصير من iiيمّـك

جرّب مع واحـد ٍ غيـري iiمياناتـك
مدري لواني بعدها صرت ما iiاهمّـك

اكيـد مقـدر علـى تغييّـر جيناتـك
ما دام طبعك كذا مخلوق فـي iiدمّـك
ـــــــــــــــــــــــــــــــــــــــــــــــــــــــــــــــــــ
مانيـب مـن ياتـي ولا يدرابـه
شطـر حفظتـه ماعـرف كتابـه
شطـر يناسبنـي لمثـل الليـلـه
واشوفني في ذالمكـان اولـى بـه
ابـتـكـل بالله ونــعــم بالله
اللي مايوصـد دون خلقـه بابـه
باقـول واللجنـه تقيـم قـولـي
ومن كثرت الشعـار مانـي آبـه
الحمد لله واثـق(ن) مـن روحـي
وان كنت ذيـب فالرجـال ذيابـه
ما اقول انا اشعـر واحـد فالدنيـا
لكن قصيدي كفـو وانـا ادرابـه
الشعـر جمعنـا لــو تفرقـنـا
حـدودنـا وظروفـنـا الغـلابـه
الله يبيض وجـه راعـي الفكـره
عز الله انهـا تنحسـب لحسابـه
والله يبيض وجـه مـن يرعاهـا
محمـد الله يحفـظـه لاحبـابـه
محمد ولد زايـد عريـب المجنـى
ولـي عهـد الـديـره الخـلابـه
الشعر تاريخ(ن) لنا مـن مبطـي
واعلامنـا يـوم السنيـن نهابـه
الشعر بيت(ن) والـوزن عمدانـه
معنـاه طنـب وقافيتـه حجـابـه
الشعر واد فيـه صيـد(ن) واجـد
وكل على الـوادي يهـج ركابـه
والافكار صيد وكل شاعر قانـص
وكلـن يدسـم شاربـه مخـلابـه
احد(ن) خياله حر واحد(ن) وكري
واحد(ن) خياله كوبجـن بقطابـه
وانـا خيالـي كــل ماهديـتـه
حول على الوادي وصـاد عقابـه
شاركت امثـل ديرتـي وربوعـي
وكلـن يمثلـن ديرتـه واقرابـه
والله الا الله راد والله قــالــه
انـي لسلمهـا الفخـر وكتـابـه
داري قطـر وانـا اهنـا امثلهـا
المجـد مطلوبـي وانـا طـلابـه
عهـد علـي انـي لشـرف داري
تـرك صبـي مـا يعـز تـرابـه
شوفوا دمي مـن حبهـا عنابـي
وحماستي مـن ضووهـا شبابـه
شاعر خليجـي والعروبـه بيتـي
والبيـت ماياقـف بـدون اطنابـه
وان عودت بيـن القبايـل فزعـه
انا اشهد ان لـي فاللـوازم لابـه
لـي فالقبايـل ربـع واقـدرهـم
ماني بمن يجهـل مقـام اصحابـه
وان عودت لاصلي فانا اصلي مري
من صلب يام اهل القنا وخضابـه
قوم لنـا فـوق المعالـي بيـرق
والسيـف قـوة سلتـه بانصابـه
الشعـر طوقنـي وانـا طوقـتـه
قمـت اتمشابـه وفـك ابـوابـه
يابنـت ياللـي تفرقيـن بعـودش
مالومهـم لاكـثـروا الخطـابـه
لامر بش دربش علـى خلـق الله
قالـوا كـذا بالاصبـع السبـابـه
زينش يزينه فعل ابيـش وجـدش
وانتـي بـدورش للنقـا ××ابـه
قومـي تباهيبـي وفلـي راسـش
عليش من ستر الشـرف جلبابـه
وان ماسترتش بالفعول وباسمـي
فعقبـنـي الفنـجـال ياصبـابـه
ــــــــــــــــــــــــــــــــــــــــــــــــــــــــوش خانة الشهرة

مافي المثايل شـرد لاجيـت بقـول
ولا أعدها الا في مراحـي منايـح
تجتال في عقلي مثل جولة الجـول
وأدوج فيهـا جـاي وأدوج رايـح
أصول في القيفان لا احتجت وأجول
وأختـار فيهـا خيرتـي فالذبايـح
وأحدد المقصـود وأقـول وأطـول
واخيـر بيبـان القصيـد النصايـح
لكن باب النصـح ذالحيـن مقفـول
دامه مارد اللي عن الـدرب شايـح
ياللي لك البارح مزاميـر وطبـول
وناس تحسب ان القصيد المصايـح
صاحي وتلبس للعرب ثوب مهبـول
وبنيت لك شهره عمدهـا الفضايـح
بنيتها تبغـي ذراهـا علـى طـول
وقامت عمدها فوق راسـك تطايـح
اذا تقابلـنـا فعـاقـل ومعـقـول
وان رحت جاني من طوارفك صايح
واللي تنيشن لك علينا وهـي حـول
وتغـرّك بتصفيقـهـا والمـدايـح
وتعطيك صفحات بالعرض والطول
وتضيـع السـاري بفَـرّ اللـوايـح
لو الشعر منهـا مصفّـا ومشخـول
ماشيف صدر الحلم بالغيـض فايـح
اخطيت في حق النشاما قبل حـول
وخلوك حشمـه فالبلاديـن سايـح
وعدت الخطا كنّك تحسب انهم خبول
ولا خفاهم فـي القصيـد الروايـح
لحقت بلسانك اهل عجـن وخيـول
اللي جميع خرفانهـم لـك سبايـح
حصانهم ذيله مـن الريـح منسـول
وبيرق هله يكفخ ولا شيـف طايـح
وتلحق بيوتك عذر ماهوب مقبـول
قد سدّ صبر اصبر هل الصبر بايـح
وذلحين قد راسك مابين ألحي فحول
والبرق فوقك كل كـم يـوم لايـح
كانك تبي دفن البحر فأنـت مهبـول
تطلـع عليـك السالفـه بالجوايـح
حتى ايش لو تاصل شهرة ابو الهول
وش خانة الشهره وهـي بالفضايح

ـــــــــــــــــــــــــــــــــــــــــــــــــــــــــــــــــ
راع القنص

راع القنص مسجون وفراجه سهيل
وشلون ما يبغون شوفـه يشوقـه
اللي يعـدون الصقـاره غرابيـل
ما ذاقوا اللي فالصحـاري نذوقـه
انقوم صبح ونرقد من اول الليـل
في دار عشب ٍ تلحق الماء عروقه
انقـوم للمـذن مقـام ٍ بتهلـيـل
يوم ٍ طوال الليل نرقـب شروقـه
برض ٍ بها لبرق الدواغر مداهيـل
قد مرها الوسمي وشافت بروقـه
نسيمها كن فيه من نكهـة الهيـل
يكفخ بخفـاق ٍ قبضـه معلوقـه
ما شيف فيها الا ثر الصيد والسيل
وخاطي ثر ٍ للـي يـدور لنوقـه
الصيد فيها لـه مـداس ومقاييـل
كنك لها من كـل ديـره تسوقـه
وندوج بأشقر صافي الظهر والذيل
مطروح قد ريشة ظهره محروقـه
له هيبة فالجـو قبـل المحابيـل
فرخ العقاب ايخاشره في حقوقـه
على عيونه له قحـوف ٍ مضاليـل
اقحوف شيخ ٍ تاج الامجاد فوقـه
يطلع وطلعه لا طلع.. طلع دربيـل
زود ٍ على طلعه وطبعه.. لحوقـه
لاقفت تغرف الجو وتجـر وتميـل
راع الحمامه دونهـا مـا يعوقـه
اذكر عليه اللي له الحول والحيـل
الى اتقت من تحت ذيله اسبوقـه
اطياره ايخلـي المقافـي مقابيـل
ارماش عين اللي قذى العج موقه
هاذي طراة العمر من دون تقليـل
بهواية اللي ذوقنـا غيـر ذوقـه
وهذا اللي يحبب هل الطير بسهيل
وخوة رجال ٍ الخوى مـا تبوقـه
موجز عن المقناص ماهو بتفصيل
وكل ٍ يمدح ربح سوقـه بسوقـه
ـــــــــــــــــــــــــــــــــــــــــــــــــــــــــــــــ
بعض العرب حبة يوردك الجنون
ولا يوصف لة غلاة احكاك لة
ما يقنعة وصف الغلا وش يكون
لو كل حرف بالحرير يحاك لة
الموت جاك وهو تقبلة الظنون
ولا لك الا الصبر ....وش وداك لة
ان قلت ضاق ..قال..هونها تهون
مايدري ان ضيقتك لة ..وبكاك لة
تقعد تحبة وانت ساكت ومغبون
يمكن بيوم يقال لة ما اوفاك لة
وكانك مشكك هو يمون ..او ما يمون
تخيل ان عفت الصبر فرقاك لة
غلاة من فوق الغلا ماهوبدون
وحكاة سمعك يجبرك بارخاك لة
ودك تحطة فالعيون من العيون
وتبسط على رمضى الثرا يمناك لة
وتظلة من الشمس في ظل الجفون
ولا يمر اذنة سوا لباك لة
وتسج من غيرة لونهم يذكرون
ومنين ما سجت القدم ممشاك لة
فلو يميلة الترف ميل الغصون
غصن ليان ومكرمة بسقاك لة
جديلة الى اقفي ستر منة المتون
كني بريحة لا لتفت لدعاك لة
يزها الملابس ..اي لبس..واي لون
وفالليل وجهة لا ظهر قداك لة
كيك وعسل لكن ما هو في صحون
ودعاك من عين الحسود اغطاك لة
اللة لا يعطية ناس س ينضلون
ويستر علية من النحل لا ياكلة
والوصف والتعبير في وصفة يخون
غير اطلب الله يستجيب ادعاك لة
وهذال قلبك في محبتة يجسون
سكينهم عن قطع حبلة حاكلة
اللي من لحوم الاوادم ياكلون
وحلوقهم دافعالبلا متواكلة
ناس عن اعراض العرب ما يعرضون
ودايم على نفس الشكل والشاكلة
في سلمهم او لا بالاكل الاقربون
واطيبهم اللي صيدتة شكواك لة
يدعيهم الشيطان للذيب ويجون
هذا يقطع لة وذاك يواكلة
من جاك منهم لا تبين لة سنون
واضرب يمينة لا بغى يسراك لة
يا جعلهم فدوة ثر الغض الفتون
اللي على درب الطويل اخطاك لة
طيفة الى نام البشر زادك بهون
وطيفك الى نام البشر سراك لة
حبة دفان ومقبرة خضر الطعون
بين العظام العوج كنك ناكلة
فلو غلاة يوردك حوض الجنون
ولا يوصف لة غلاة احكاك لة
ـــــــــــــــــــــــــــــــــــــــــــــــــــــ
(ســـولفـــــوا)
سولفوا تكفون لا عاد تسكتون ..
.. قبل لا أهوجس وياتيني بلاي
السكات يزود طعوني طعون ..
.. وتن××ر لا جا على راسي عصاي
سولفوا لو ما بغيتوا اتسولفون ..
.. قبل لا اقعد في الحزن رايح .. وجاي
واضحكوا لو بالعماله تضحكون ..
.. وجاملوني لو يضايقكم حكاي
لي وليفٍ راح جعله ما يهون ..
.. هو دواي وداي .. أو داي ودواي
راح لكن طيف زوله في العيون ..
.. مرةٍ قدامي ومرة وراي
وإن سكتوا جا وهو طيفه يمون ..
.. رحت أهوجس له وأبين له ولاي
م××ب عيوني من الفرقا مزووون ..
.. تمطر لطاريه .. والبرق ؟ أصدقاي
كل ما طروه لو هم يمزحون ..
.. احرموني من غداي ومن عشاي
أدري إنه ما تناسى الود كون ..
.. تسمع إذنه في قفاي اللسن عداي
وكانهم قالوا نسيته يكذبون ..
.. وإلا أنا فيه أمتلك نظرة وراي
كان حبه لي على خبري مصون ..
.. والله ان كني بقدري .. وبغلاي
ذي بقايا الحب وأطلال الجنون ..
.. والله أعلم في ضميره وش بقاي
غير طيعوني ولا عاد تسكتون ..
.. ولا والله إن أسمعكم بكاااي
ـــــــــــــــــــــــــــــــــــــــــــــــــــــــــــــ
( يا قـــو قلــــبـــك )

ياقو قلبك على الصّـده ويـا صُــــــبـرك
وياوسع صدري على صدك ويا صُبري
وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري
والله لون حمل صبري فوقـك..ان تبرك
والله ولو تعتذر منـت بعلـى خــــــــبـري
ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري
تـــزعل وترجع وتـلقانـي عــــلـى خبـرك
وانا ان××ر لك واجـــــيـك ادوّر لــجبـري
طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري
امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري
ـــــــــــــــــــــــــــــــــــــــــــــــــــــــــــــ
( يـــوم المزايـيـــن )

من لابتي مّره الى جـدي افطيـس ..
.. ربعي مطوّعة الصعـب بالصمايـل
ناموس ياللـي ت××بـون النواميـس ..
.. ياهـل العلـوم الغانمـه والجمايـل
اهل السموت وفي الملاقا فواعيـس ..
.. يقطعـك يـاهـرجٍ بلـيـا دلايــل
انتو خيارينٍ علـى الخيـل فريّـس ..
.. اسـمٍ ينومـس بيـن كـل القبايـل
يامقلّطينٍ شـذرة السيـف والكيـس ..
.. قد قالها ابن حميـد ضمـن المثايـل
منصا الرجال اللي على ضمّر العيس ..
.. وفالحرب نطّاحة شبـا كـل عايـل
هواجـرٍ لاجـات قدهـي مقاويـس ..
.. ركب الضيوف امن السرا والقوايـل
تنصـا ربـاع امتعّبيـن المحاميـس ..
.. مروين حـد المرهفـات الصقايـل
يردون غصباً والعـزاوي متاريـس ..
.. لاجـا نهـارٍ فيـه عـدلٍ ومـايـل
وامسيّسين اسياسة الفـوز تسيّيـس ..
.. باللبل وبالهجـن السبـاق الاصايـل
تفوز في يـوم المزايـن وفالريـس ..
.. من كـل منعوتـه تسمـى وحايـل
ولو حصل للبل من النـاس تفليـس ..
.. يكفيكم انك فالعـرب مـن لاوايـل
تلبس من العنّـاب زيـن الملابيـس ..
.. يوم المزاين مـع ارجـال الحمايـل
يزها بها لـون العلـم تتبـع افنيـس ..
.. ابـلٍ لهـا عـادات ××ـب النفايـل
ومدحي لبو زايد محمد بـلا قيـس ..
.. مدحٍ لـو يقـارن بفعلـه .. قلايـل
الله يمهّـل بـه ويخـزي لاباليـس ..
.. وايدوم ذكره فـوق كـل الطوايـل
ـــــــــــــــــــــــــــــــــــــــــــــــــــــــــــــــ
(لا ضاقت الدنيـــا )
لا ضاقت الدنيا عليك وتشاويت ..
.. خلق الله اللي فالرخا كان واجد
ومن العرب والصوت والثوب مليت ..
.. وقامت عليك هموم بأقعا تراجد
فارفع يديك لخالقك لا توضيت ..
.. وادعو تراك أقرب إليا صرت ساجد
ووقت من أوقاتك للأوقات توقيت ..
.. وسجل لنفسك في المساجد تواجد
وأبشر بفزعة حامي الدين والبيت ..
.. إليا هجدك من الهواجيس هاجد
اللي يميت الحي ثم يحيي الميت ..
.. لرضاه شف كثر البشر بالمساجد
الرجوع الى أعلى الصفحة اذهب الى الأسفل
 
ابن فطيس المري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ملك الرومنسية :: منتديات ملـكـ الرومــنــسـيــة الادبية :: شعراء ملـكـ الرومــنــسـيــة - شعر-
انتقل الى: